به گزارش تبریز بیدار ، حجت الاسلام و المسلمین آل هاشم که در مدت حضور خود با حرکت های مردمی توجه افکار عمومی در اذربایجان شرقی به خود جلب کرده است امروز نیز در ورزشگاه یادگار امام">امام و بازی استقلال تراکتور حضور یافت. امام جمعه تبریز سه روز پیش هم در سخنانی توهین هوداران پرسپولیس در بازی اخیر با تراکتور به مردم آذربایجان را محکوم کرد و خواستار برخورد مسئولین با این حرکت ناشایست شد. + نوشته شده در شنبه شانزدهم دی ۱۳۹۶ساعت 8:17 توسط قدرت ابوالحسنی سهلان |

تبریزین تراختور تاخیمی 7 ایل آشاغی لیگده قالدیقدان سونرا، 89-1388فصلینده یئنیدن ایرانین سوپئرلیگینه یوکسلدی. تراختور بو سفر تورک کیملییی سیمگه سینه چئوریلیب، یولداشلار قازانیب دوشمنلرده تاپدی. تراختورون تبریزده کی هر اویونوندا، چیلقین یانداشلار یئتمیش مین نفرلیک یادیگار ایستادیومونو دولدوروب، "یاشاسین آذربایجان"، "آذربایجان وار اولسون، ایستهمهین کور اولسون"، "تورکلرین ایفتیخاری، تراختور-تراختور" و باشقا شوعارلار سسلندیریردیلر. هابئله تیملری قول یئدیکده، "عیبی یوخ" دئیه باغیریردیلار. اصلینده اونلار بئله جه، ریضاشاهدان بری تورکلری کوچمه سه ییب آسیمله ائتمه یه چالیشانلارا گور جاواب وئریردیلر. او دؤنوش فصلی قورتولاندا، تراختور سون سیرالامادا 7 -ینجی چیخسادا، اؤلکه نین بوتون مئدییالاریندان تبلیغ اولونان پئرسپولیسله ایستیقلال تیملرینی گئریده بوراخیب، ایلین ان چوخ تاماشاچیسی اولان تاخیمی اولدو. طبیعی اولاراق، بئله بیر ایلین عرضینده تراختور قونوسوندا بول-بول ایلگینج اولایلاردا باش وئریردی. ماراقلی اولایلارین بیری، تیلویزیونون "نود" آدلی برنامه سینین تیملر آراسی گئچریلن دارتیشمالی اس ام اس یاریشی ایدی. یاریش زامانیندا چوخلارینا بللی اولموشدو کی، بو یاندان تراختورا رای گؤندرنده ندنسه او یاندا نوده گئدیب چاتماییر!؟؟ و نودین سون سونوجو گئجه یاریسی ایرانا گؤستریردی کی، پئرسپولیسین یوزده 51،

یازار: آلفونس دوده (Alfons DODE) انگیلیزجه دن چئویرن: پری میرعلی یئوا (Pəri Mirəliyeva) کؤچورن: قدرت ابوالحسنی سهلان (بو حیکایه نی جاوید راماضانوف دا روسجادان چئویریب. اونداندا ایستیفاده اولونوب. کؤچورن) (1871-جی ایلده آلمانییا ایله موحاریبه ده فرانسا مغلوب اولموش، اؤلکه نین شرقینده یئرله شن ایکی ایالتی-ائلزاس و لوتارینگییا آلمانییانین ترکیبینده قالمیشدی. حیکایه ده تصویر اولونان حادیثه لر همین دؤورده جریان ائدیر. ترجومه چی) همین سحر مکتبه گئج گئتدیم. ایچیمده بؤیوک بیر قورخو حیسسی واردی، چونکی آقای هامئل بیزه فعلی صیفت مؤوضوعوسو حاققیندا سئواللار وئره جه یینی دئمیشدی، منسه بو حاقدا بیر کلمه بئله بیلمیردیم. بیر موددت دوشوندوم کی، درسدن قاچیم و بیر تهر گونو باشا ووروم. هاوا ائله ایستی، ائله پارلاق ایدی کی! قوشلار مئشه نین کناریندا جیغغیلداشیردیلار. تاختا-شالبان زاوودونون آرخا طرفینده کی آچیق ساحه ده ایسه پروسسییالی عسگرلر قازما ایشلری آپاریردیلار. طبیعی کی، بوتون بونلار فعلی صیفت قایدالاریندان داها جلب ائدیجی ایدی، آمما من اؤزومده بو فیکیرلره قارشی موقاویمت گؤسترمک گوجو تاپیب، تله سیک مکتبه یوللاندیم. بلدییه بیناسینین یانیندان کئچنده اعلان لؤوحه سینین قارشیسیندا بؤیوک بیر ایزدیحام گؤردوم. سون ایکی ایلده بوتون بد خبرلر بورادا قئید اولونوردو- اودوزولموش دؤیوشلر، لاییحه لر، کوماندی

اسماعیل حیدری دونیاسینی ده ییشدی. آلله اونا غنی-غنی رحمت ائله سین. اسماعیل حیدری، آذربایجانین ایلک و ان بؤیوک استندآپ کمدی یاپانی اولاراق، 1328 ده مراغا شهرینده آنادان اولدو. مراغانین خواجه نصیر اوخولوندا درس اوخوماقا باشلایان اسماعیل حیدری، دوققوزونجو کیلاس دا، سئوگی و عشق ماجرالارینا گؤره درسی بوشلویوب ارتشه گیردی. آناسینین ریضایتی اولمادیغی اوچون ده ارتش دن چیخیب، یول ایداره سینده ایستیخدام اولدو. آتمیش و یئتمیشینجی ایللرده، ائولرده اولان قوناقلیقلارا دعوت اولوب، او زامانلارین ایلک استندآپ کمدیسین ایجرا ائلییهن اسماعیل حیدری، تئزلیکجه میللت آراسیندا اؤزونه یئر تاپدی.اونون کاسئت ناوارلاری و ویدئولاری میللت آراسیندا الدن اله اولوب، قولاقلارین و گؤزلرین قوناغی اولوب دوداقلارا گولوش گتیردی. اوستاد اسماعیل حیدری نین ایفالاریندا ایشلهتدیگی سؤزلر، دیللر ازبری اولوب خالق آراسیندا یاییلدی. هوشو و ژیلی، مشهد، باغ وحش، قوسما داواسی، اوتو میخون دیبینده، اینهنن خال دؤومک، دور بزن، نائب، کاسیب و دؤلتلینین یاس تؤرهنی، کارمند شئعری و باشقا ایفالار، اوستادین ان سئویملی ایفالاریندا اولدولار. بو آرادا "مشهد خاطیرهسی" هر ایفادان چوخ میللت آراسیندا یئر آلدی. اوستادین مشهد خاطیره سی خالق آراسیندا فیرتینا سالاراق، دیل دن دیله ائودن ائوه دولوب داشدی. کند و کندلی لرین مشهده گئتماق ماجرالاری

یازار: ارنئست همینقوی (Eest Heminquey) چئویرن: تامئللا عبدییئوا(Tamella Abdıyeva) کؤچورن: قدرت ابوالحسنی سهلان پادوادا ایستی بیر یای آخشامی ایدی. نهایت کی، بوراداکی آداملارین کؤمه ییی ایله داما چیخان یارالی عسگر یوکسکلیکدن شهره تاماشا ائدرک تمیز هاوانی جییرلرینه چکیردی. سمادا سرچه لر های-کویله اوچوشور، سانکی اویناشیردیلار. آنجاق، بیر آز کئچمیش هاوا قارالماغا باشلادی و بونونلا دا پروژئکتورلار ایشه دوشدو. دامداکی دیگر آداملار ایسه بوش شوشه لری گؤتوره رک یاواش-یاواش آشاغی دوشمه یه باشلادیلار. اونلارین سسی بوتون هاوانی بوروموشدو. آرا ساکیتلشدیکدن سونرا لوز چارپاییدا -اونون یانیندا ایلشدی. نفسکسن ایستی یای گئجه سینده اونون گؤزل و طراوتلی ووجودو اینسانا بیر یاز مئهی تک سرینلیک بخش ائدیردی. آرتیق اوچ ایلدیر، لوز بورادا گئجه نؤوبه سینده طیب باجیسی ایشله ییر. بو موددت عرضینده او، بوتون خسته لرین اوره یینه یول تاپا بیلمیشدی. لوز همین یارالی عسگر اوچون عملییات ستولونو حاضیرلادی، اونا توختاقلیق وئرمک اوچون ایسه گاه دوستجاسینا ظارافتلاشیر، گاه دا لاغلاغی ائدیردی. داها سونرا یارالی عسگره کئلشدیریجی وورولدو و بونونلا دا، یارانمیش بوشلوغو دولدورماق اوچون بوش بوغازلیق ائتمه یه هئچ بیر لوزوم قالمادی. عملییاتدان سونرا قولتوق آغاجینا اؤیره شن عسگر، آرتیق، هئچ کیمین کؤمه یی اولمادان دا تئمپ

یازار: گولمیره راماضانقیزی (Gülmirə RAMAZANQIZI) کؤچورن: قدرت ابوالحسنی سهلان باهار گلمیشدی. داغ-دره، مئشه مین بیر رنگه بویانمیشدی. باغ-باغچادا عطیر ساچان گوللر-چیچکلر سئوگی نغمه سی اوخویان بولبوللره ناز ساتیردیلار. اوجا داغین قاشیندان آخان شلاله یاز گونشینین قیزیلی ذرره لریندن بیچیلمیش دوماغ کؤپوکلو دون گئیینمیشدی. شلاله چاغلایا-چاغلایا ائله بیل شعر اوخویوردو. خوش آوازی درین دره لره سیغیشمیردی. دنیزه جان آتان جوشقون داغ چایینا قووشان شلاله نین ده، کیچیک سیسقا بولاقلارین دا اورکلری ووصال سئوینجیندن آتیلیب-دوشوردو. چایین حزین زومزومه سی ده اونون ساحیلینده خالچا-پالاز یویان قیزلارین ماهنیلارینا، شاقراق گولوشلرینه قاریشمیشدی. بئله بیر واختدا، طبیعتین سئویب-سئویلن چاغیندا داغ چایی دا قوینونا سیغینمیش نهنگ قایادا بیتن آل-قیرمیزی قیزیلگول کولونا عاشیق اولموشدو. نهنگ قایا چایی ایکی قولا آییریردی. گول کولو ائله بیل آنا طبیعتین بوتون قانونلارینی پوزاراق قایانین داش ووجودونا آل قیرمیزی بایراق کیمی سانجیلمیشدی. یازدا پارداخلانمیش گول کولو نهنگ قایانین عظمتینی داهادا آرتیرمیشدی. داغ چایی گول کولونو نهنگ قایادان آیریب، دؤشونده قرار توتموش یامیاشیل تپه یه آپارماق ایسته ییردی. آمما نه قدر چارپینسا دا، قولو قایاداکی گول کولونا چاتا بیلمیردی. ... چایین باغریندان اینیلتی قوپدو. سولا